Edux կրթական ակադեմիան, հիմքում ունենալով մեկ կետից արդյունավետ դասընթացների կազմակերպման և հմտությունների ուսուցման հանձնառությունը, առաջարկում է «Բանկային գործ» դասափունջը, որի ընթացքում ոլորտի գիտակները կկիսվեն կիրառական անգնահատելի հմտություններով։

ՆՊԱՏԱԿԸ

Դասընթացի նպատակն է տրամադրել տեսական և գործնական   գիտելիքներ բանկերի էության, գործառույթների, բանկային գործունեության, դրա կարգավորման ու վերահսկողության, ծառայությունների և բանկային պրոդուկտների, ռիսկերի կառավարման ամենատարբեր նրբությունների մասին:

Դասընթացի ընթացքում կուտակած գիտելիքների շնորհիվ մասնակիցները կարող են աշխատել ինչպես բանկերում, այնպես էլ վարկային կազմակերպություններում:

Ի՞ՆՉ ԳԻՏԵԼԻՔՆԵՐ Է ՍՏԱՆՈՒՄ ՄԱՍՆԱԿԻՑԸ

Դասընթացի  շրջանակներում մասնակիցը՝

• տեղեկանում է բանկերի և բանկային գործառույթների մասին,
• ծանոթանում է բանկի հաշվեկշռի հիմնական տարրերին (ակտիվներ, պարտավորություններ, սեփական կապիտալ), բանկի ակտիվային և պասիվային գործառնություններին,
• հասկանում է Կենտրոնական բանկի դերն ու նշանակությունը բանկային համակարգում,
• ծանոթանում է օրենսդրական հիմնական ակտերին և կանոնակարգող դաշտին, մասնավորապես․
  • բանկերի լիցենզավորման, գրանցման սկզբունքներին,
  • բանկերի գործունեության հիմնական տնտեսական նորմատիվներին, բուֆերներին,
  • բանկերի ակտիվների դասակարգման և հնարավոր կորուստների պահուստների ձևավորման սկզբունքներին,
  • բանկային գաղտնիքի ընդհանուր կարգավորումներին,
• ծանոթանում է բանկերի վարկային և ավանդային գործառույթներին,
• ծանոթանում է բանկային ռիսկերին, սովորում է դրանց դասակարգման, գնահատման և կառավարման մեթոդները,
• ծանոթանում է ֆինանսական համակարգի հիմնական ենթակառուցվածքներին՝ ավանդների հատուցումը երաշխավորող հիմնադրամ, ֆինանսական համարգի հաշտարարի գրասենյակ,
• ծանոթանում է բանկերի ներքին հսկողության համակարգի նվազագույն պահանջներին,
• ծանոթանում է բանկերում կորպորատիվ կառավարման նվազագույն պահանջներին,
• ծանոթանում է Կենտրոնական բանկի կողմից իրականացվող վերահսկողության հիմնական մոտեցումներին, վերահսկողության ընթացքում բանկերի պարտականություններին,
• հասկանում է սպառողների շահերի պաշտպանության կառուցակարգն ու դրա գործնական դրսևորման մեխանիզմները,
• հասկանում է փողերի լվացաման և ահաբեկչության ֆինանսավորման դեմ պայքարի (ՓԼԱՖ) կառուցակարգը, ռիսկերի բացահայտման ու կանխարգելման մեխանիզմները բանկերում։

ԾՐԱԳՐԻ ԿԱՌՈՒՑՎԱԾՔԸ

• բանկեր (պատմական ակնարկ),
• երկմակարդակ բանկային համակարգ․ Կենտրոնական բանկ և առևտրային բանկեր,
• բանկային օրենսդրություն․
  • «Բանկերի և բանկային գործունեության մասին» օրենք,
  • «Բանկային գաղտնիքի մասին» օրենք,
  • «Ֆիզիկական անձանց ավանդների հատուցումը երաշխավորելու մասին» օրենք,
  • «ՀՀ կենտրոնական բանկի մասին» օրենք,
• բանկային ծառայություններ (վարկեր, ավանդներ, վճարահաշվարկային ծառայություններ, լիզինգ, ֆակտորինգ),
• թվային բանկինգ,
• բանկերի գործունեության կանոնակարգում․
  • Բազելյան ստանդարտներ,
  • Կանոնակարգ 2,
  • Ակտիվների դասակարգման կարգ,
• բանկային ռիսկեր (վարկային ռիսկ, շուկայական ռիսկ, իրացվելիության ռիսկ, գործառնական ռիսկ) և դրանց կառավարումը,
• սպառողների շահերի պաշտպանությունը բանկերում,
• փողերի լվացման և ահաբեկչության ֆինանսավորման դեմ պայքարը բանկերում,
• բանկային հաշվապահություն,
• վերլուծություններ, գործնական օրինակների դիտարկում։

ՈՒ՞Մ ՀԱՄԱՐ Է ՆԱԽԱՏԵՍՎԱԾ

Դասընթացը նախատեսված է բանկային գործի վերաբերյալ փորձ և գիտելիքներ չունեցող կամ ընդհանրական գիտելիքներ ունեցող դիմորդների համար, ովքեր ցանկանում են ստանալ համակարգված գիտելիքներ բանկերի և բանկային գործունեության մասին։

Դասընթացը կվարեն՝

 ՎԱՀԵ ՊԵՏՐՈՍՅԱՆԸ
ՀՀ Կենտրոնական բանկ / PhD

ՄԽԻԹԱՐ ԳՐԻԳՈՐՅԱՆԸ
ՀՀ Կենտրոնական բանկ / MBA

ԷՄԻԼ ԱԲՐԱՀԱՄՅԱՆԸ
ՀՀ Կենտրոնական բանկ / CAMS, CAMS-RM, CGSS, CCI

 ՍԵՎԱԿ ՄԻՔԱՅԵԼՅԱՆԸ
ՀՀ Կենտրոնական բանկ / ՀՊՏՀ դասախոս, PhD